Kjaradeila ljósmæðra er komin á grafalvarlegt stig.Verðandi mæður hafa áhyggjur af því, ljósmæður sjálfar hafa áhyggjur af því, Landspítalinn hefur áhyggjur af því - en það er einn aðili, sem virðist ekki hafa slíkar áhyggjur og það er ríkisstjórn Íslands.

Hvað veldur?

Ætla ráðherrar enn að halda því fram, að kjarabætur til ljósmæðra muni setja efnahagslífið á hvolf, þótt þeir virðist ekki telja að mun meiri kjarabætur til þeirra sjálfra hafi sömu áhrif?

Hvað veldur því að opinbera kerfið á Íslandi virðist aftur og aftur vera nánast óstarfhæft?

Halda þeir að svona mál leysist af sjálfu sér?

Vinnubrögð ríkisstjórnarinnar vegna kjaradeilu ljósmæðra lofa því miður ekki góðu um það sem framundan er á vinnumarkaði.