Heiko Maas, utanríkisráðherra Þýzkalands, kallar nú eftir eins konar Marshalláætlun fyrir lýðræði að því er fram kemur hjá þýzku fréttastofunni Deutsche-Welle og er þá vísað til svonefndrar Marshalláætlunar Bandaríkjanna um endurreisn Evrópu eftir lok heimsstyrjaldarinnar síðari.

Þessar hugmyndir ráðherrans koma fram í kjölfar þess að stuðningsmenn Donalds Trumps, fráfarandi Bandaríkjaforseta, gerðu aðsúg að þinghúsinu í Washington.

Maas segir í samtali við DW að ekki megi gefa eftir gagnvart óvinum lýðræðis og það eigi við um bæði Bandaríkin og Þýzkaland.

Og hann bætti við:

"Án lýðræðis í Bandaríkjunum verður ekkert lýðræði í Evrópu."

Og enfremur:

"Að takast á við rætur félagslegrar mismununar er eitt mesta framtíðarverkefni bæði Bandaríkjamanna og Evrópubúa."

Þá bendir þýzka fréttastofan á, að í kosningabaráttunni vestan hafs hafi Joe Biden, verðandi forseti Bandaríkjanna, viðrað hugmyndir um "toppfund fyrir lýðræðið" á fyrsta ári hans í embætti.