Í morgun hafði rússneska lögreglan handtekið 5135 einstaklinga í 80 borgum víðsvegar um Rússland að sögn rússneska vefmiðilsins The Moscow Times. Þetta gerist nú aðra helgina í röð vegna mótmæla almennra borgara í kjölfar handtöku rússneska andófsmannsins Alexei Navalny, sem reynt var að drepa fyrir ekki löngu síðan með eitri.

Það er ótrúlegt að stjórnunarhættir af þessu tagi skuli fylgja þeirri merku menningarþjóð, sem Rússar eru - en er engu að síður veruleiki.

Í Kreml situr hræddur maður við völd.

Lýðræðið í Rússlandi sem vonir stóðu til að mundi fylgja falli Sovétríkjanna er sýndarmennska ein. KGB stjórnar Rússlandi - eða hugsanlega mafíur, sem berjast um völdin sín í milli og hver þeirra taki við, þegar Pútín hverfur af valdastóli.

Allt er þetta sorgarsaga.