styrmir.is

"Ef ég má sletta..." Svarið er nei.

Mánudagur, 28. september 2020

Það var áberandi í umræðum í Silfrinu í gær hvað "ensku-slettur" voru algengar í umfjöllun um forsetakosningarnar í Bandaríkjunum. Þeim fylgir gjarnan setningin..."ef ég má sletta".

Svarið er nei.

Það getur ekki verið erfiðara fyrir Íslendinga að nota íslenzk orð frekar en ensk.

Samt er það vaxandi að viðmælendur RÚV noti "ensku-slettur" í stað íslenzkra orða.

Er ekki kominn tími á að gera átak í að útrýma þessum "ensku-slettum"?

Slíkt átak var gert framan af 20. öld við að útrýma "dönsku-slettum" úr íslenzku máli. Nú er íslenzka orðið gangstétt notað um gangstéttir. Sú var tíðin að talað var um "fortov" en ekki gangstéttir.

RÚV ætti að ganga á undan með góðu fordæmi í þessum efnum.

Skortir kennslu í mannlegum samskiptum?

Sunnudagur, 26. júlí 2020

Reglulega birtast fréttir, sem vekja upp spurningar um það, hvort skortur sé á kennslu í mannlegum samskiptum . Slíkar fréttir berast af vinnustöðum eða af einhverjum þeim vettvangi , þar sem fólk starfar saman . Þær eru ekki bundnar við Ísland eitt. Eitt nýjast dæmið er af samskiptum tveggja þingmanna á Bandaríkjaþingi , þar sem karlkyns þingmaður sýndi kvenkyns þingmanni dónaskap . Oft benda… Meira »

Ævintýri lítillar þjóðar

Mánudagur, 10. febrúar 2020

Að Íslendingur vinni til Óskarsverðlauna er ekkert sjálfsagt, það er einstakt afrek . Þáttur í ævintýri lítillar þjóðar , sem hefur búið á þessari litlu og fallegu eyju í tæplega 1200 ár, lengst af í mikill einangrun og fásinni. Það er ástæða til að óska Hildi Guðnadóttur og fjölskyldu hennar til hamingju með þetta afrek og raunar okkur öllum í þessu litla samfélagi. Það eru afrek af þessu tagi,… Meira »

Vilhjálmur Einarsson og táknmyndir lýðveldisins

Mánudagur, 30. desember 2019

Yngsta kynslóðin, sem var stödd á Þingvöllum 17. júní 1944 gleymir þeirri lífsreynslu ekki. Og heldur ekki því, sem á eftir fór næstu árin, þegar hópur ungra afreksmanna í íþróttum og skák urðu eins konar táknmyndir hins unga lýðveldis og staðfestu með afrekum sínum, að svo fámenn þjóð gat skipað sér sem jafningi í raðir sjálfstæðra ríkja í heiminum. Einn þeirra manna var Vilhjálmur Einarsson, sem… Meira »

Sovézki andófsmaðurinn Vladimir Bukovsky látinn

Mánudagur, 28. október 2019

Í brezkum blöðum í morgun kom fram að einn helzti andófsmaðurinn í Sovétríkjunum á seinni hluta 20. aldar, Vladimir Bukovsky , væri látinn, 76 ára að aldri. Hann átti mikinn þátt í að afhjúpa misnotkun sovézkra yfirvalda á geðdeildum í baráttu þeirra gegn andófsmönnum þar í landi. Sú barátta hans átti að mati Guardian mikinn þátt í að veikja grunnstoðir kommúnismans í Austur-Evrópu . Hann var að… Meira »

Fer vinnustaðamenningu hrakandi?

Miðvikudagur, 3. október 2018

Í Fréttablaðinu í morgun er sagt frá óánægju starfsmanna hjá kísilverinu á Bakka með vinnustaðamenningu á staðnum. Að undanförnu hafa komið upp áleitnar spurningar varðandi vinnustaðamenningu hjá Orkuveitu Reykjavíkur . Úr mörgum áttum heyrast nú aðvaranir um að kulnun í starfi sé víða vaxandi vandamál. Og svo mætti lengi telja. Það er þess vegna kannski ekki út í hött að spyrja, hvort… Meira »

Icelandair: Björgólfur Jóhannsson brýtur blað

Þriðjudagur, 28. ágúst 2018

Líklegt má telja, að með óvæntri afsögn sinni í gær sem forstjóri Icelandair Group hafi Björgólfur Jóhannsson brotið blað í viðskiptalífi okkar og sett með þeirri ákvörðun ný viðmið , sem fara verði eftir. Áhrif þessarar ákvörðunar munu vafalaust ná víðar en til fyrirtækja, sem skráð eru á markaði. Líklegt er að þau muni líka ná til stærri óskráðra fyrirtækja og t.d lífeyrissjóða , þegar… Meira »

John McCain látinn: Talsmaður og táknmynd þeirra Bandaríkja, sem einu sinni voru

Sunnudagur, 26. ágúst 2018

John McCain , öldungadeildarþingmaður, sem nú er látinn, var eins konar talsmaður og táknmynd þeirra Bandaríkja, sem einu sinni voru. Þeirra Bandaríkja , sem komu lýðræðisríkjum Vestur-Evrópu til bjargar í heimsstyrjöldinni síðari. Þeirra Bandaríkja , sem gerðu Sovétríkjunum kleift að lifa af með vopnasendingum. Þeirra Bandaríkja , sem lögðu fram gífurlega fjármuni í formi Marshallaðstoðar til að… Meira »

Hetjur æsku lýðveldisins

Fimmtudagur, 12. júlí 2018

Það voru nokkrir ungir frjálsíþróttamenn , sem áttu mestan þátt í að veita hinu unga íslenzka lýðveldi sjálfstraust á árunum eftir lýðveldisstofnun. Þeir voru hetjur æsku hins unga lýðveldis . Þeir voru "strákarnir okkar" þeirra tíma. Einn úr þeirra hópi, Finnbjörn Þorvaldsson , er nú látinn. Aðrir úr þessum hópi voru Clausens-bræður , Gunnar Huseby , Torfi Bryngeirsson o.fl. og áratug síðar var… Meira »

Umfjöllun um Matthías Johannessen í Nordisk Tidskrift

Fimmtudagur, 19. apríl 2018

Í fyrsta hefti þessa árs af tímaritinu Nordisk Tidskrift , sem út er komið, er að finna grein um Matthías Johannessen , sem lengst allra var ritstjóri Morgunblaðsins eða í rúmlega 41 ár. Greinin er eftir umsjónarmann þessarar síðu og er þáttur í greinaflokki um ritstjóra á Norðurlöndum . Í grein þessari held ég því fram, að Matthías Johannessen hafi verið áhrifamesti fjölmiðlamaður á Íslandi á… Meira »