Frá sjónarhóli áhugamanns um leikhús er sýning Leikfélags Reykjavíkur,(sem á 123 ára afmæli um þessar mundir) á Vanja frænda, eftir hinn rússneska Tsjekhov (1860-1904) frábær og eftirminnileg.

Þegar leiktjöldin eru dregin frá blasir við óvenjuleg en mjög vel heppnuð leikmynd og með jafn vel heppnaðri lýsingu verður til mjög sérstakt andrúmsloft á sviðinu, sem leikhópurinn fellur vel inn í.

Leikararnir standa allir vel fyrir sínu og skapa hver um sig sterkar persónur.

Brynhildur Guðjónsdóttir, leikstjóri, hefur mótað hér sýningu, sem mun auka veg hennar mjög.

Það er langt síðan sýning í leikhúsi hér hefur haft jafn mikil áhrif á þennan áhorfanda og þessi sýning.